Dalin pamjet nga prapaskena/ Momenti kur Rogerti largohet i revoltuar nga studiot e TCH! (VIDEO)

Ajo që u përfol gjatë mbrëmjes së finales së “Big Brother VIP Albania 5”, tashmë është faktuar me pamje!

Reagimi i ashpër i Rogertit pas eliminimit të tij nga gara (ku u rendit i katërti) nuk ka qenë vetëm një thashethem, por një skenë e vërtetë tensioni në korridoret e Top Channel.

Së fundmi, emisioni “E Diell” ka transmetuar pamje ekskluzive nga prapaskenat e finales, ku shihet qartë largimi i menjëhershëm dhe i revoltuar i ish-banorit nga studiot.

Në videon që tashmë po bën xhiron e rrjetit, gazetari Bledi Mane tenton t’i afrohet për t’i marrë një intervistë apo reagim të parë pas daljes nga shtëpia.

Por, Rogerti, dukshëm i irrituar, shpërfill çdo përpjekje, duke kaluar me nxitim krah gazetarit, i rrethuar nga stafi dhe njerëzit e tij të afërt.

Edhe pse Bledi insiston duke i theksuar se “edhe ai e do”, ish-finalisti nuk pranon të ndalojë.

Këto pamje përforcojnë deklaratat e tij të mëvonshme në rrjetet sociale, ku ai akuzoi hapur produksionin se gjithçka ishte “lojë politike” dhe konfirmojnë faktin se ai refuzoi të ishte pjesë e festës zyrtare të “Afterparty”-t me banorët e tjerë.