Emrat/ Arrestohen në Angli dy shqiptarë me kartela të kuqe Interpoli

Dy shqiptarë me kartela të kuqe Interpoli, të shpallur në kërkim ndërkombëtare nga Shqipëria dhe Gjermania janë prangosur në Angli.

Top Channel ka parë dokumentet e gjykatës së ekstradimeve në Londër ku ka dalë këtë të mërkurë  Eduart Elezi 28 vjec.

Ndaj tij Gjermania kishte lëshuar një fletë arresti ndërkombëtare ekzekutuar nga skuadra e ekstradimeve në Metropolitane Police  në Londër.

Ai akuzohet si i pëfshirë në kultivim kanabisi. Seanca e ardhshme e ekstradimit është parashikuar më 16/02/2026

Po këtë gjykatë ka dalë një tjetër shqiptarë. Ai është  Xhuljano Hoxha 30 vjeç i kërkuar nga zyra e Interpol Tiranës dhe arrestuar po nga Metropolitane Police në Londër.

Hoxha kërkohet nga drejtësia shqiptare për kultivim kanabisi.  Përpara se të vijohet me këtë proces  ekstradimi Hoxha më 20/11/2025 do të mësojë në gjykatën e Manchester masën e dënimit për një krim të konsumuar në shtetin anglez.