Profesori pas ankesave për cilësinë e asfaltit: Është vetëm tepih mbi rrugë, nuk mbron nga vërshimet

Shkrirja e borës dhe reshjet e mëdha të shiut kanë shkaktuar dëme të mëdha në Kosovë, gjatë ditëve të fundit. Si pasojë e tyre, shumë rrugë janë bllokuar, e madje ka pasur edhe prishje e shkapje të tërësishme të asfaltit nga toka. Shefi i departamentit të Ndërtimtarisë në UP ka folur për Gazetën Express rreth faktorëve që kanë çuar deri te prishja e asfaltit

Reshjet e mëdha të shiut gjatë ditëve të fundit kanë shkaktuar përmbytje në Kosovë. Shtëpi, banesa, biznese e lagje të tëra janë mbushur me ujë.

Por shiu dhe shkrirja e borës kanë shkaktuar dëme të mëdha edhe në infrastrukturën e vendit. Ditët e fundit janë përcjellë me pamje nga komunat në të cilat është shkatërruar asfalti. 

Në këto vende, asfalti është ndarë në copa dhe është shkëputur tërësisht nga toka. Për këtë, pati kritika të shumta rreth cilësisë së asfaltit në rrugët e vendit.