Në errësirë, burri ngatërron gruan me derrin e egër dhe e qëllon me çifte

Një ngjarje që për pak nuk u shndërrua në tragjedi në fshatin Giungatelle të Montecorice në Salerno. Një burrë 70-vjeçar, i tradhtuar nga errësira, ngatërroi gruan e tij 64-vjeçare, e cila ishte në kopshtin e shtëpisë së tyre, me një derr të egër dhe e qëlloi atë me pushkë.

Gruaja, e plagosur në shpatull, u shpëtua nga mjekët dhe u shtrua në spital në Vallo della Lucania. Kushtet e saj shëndetësore nuk janë të rënda.

Burri u shpjegoi hetuesve se ai kishte menduar se bëhej fjalë për një derr të egër që hyri në kopsht. Karabinierët e kompanisë së Agropolit (nën urdhrat e kapitenit Fabiola Garello), të cilët hetojnë ngjarjen, kanë konstatuar se arma nga e cila u qëllua ishte me leje.