Lutfi Haziri mbron kryetarët e komunave: Godet rëndë “ekipen” e Avdullah Hotit, thotë se po e dështojnë luftën anti- covid

Kryetari i Komunës së Gjilanit, Lutfi Haziri ka vazhduar me akuza ndaj kryeministrit të vendit, Avdullah Hoti.

Ai derisa ka mbrojtur kryetarët e komunave, ka shkruar se disa këshilltarë të kryeministrit po e dështojnë luftën anti covid- 19.

”Njëra nga vlersimet e gabura dhe ofenduse për Komunat, policinë dhe inspektoret komunale!
Ju jeni real në shumicën e vlersimeve por këtë rast keni gabuar. Masat, pakot e masave, vlerësimet nga “kokat e qeverisë” janë jashtë realitetit dhe luftës anti covid 19. Një tufë kuazikeshilltarësh po e degjenerojnë edhe masat që duhet ndërmarrë!”, ka shkruar Haziri, si reagim ndaj një shkrimi të analisitit Astrit Gashi.

Ndërkohë, analisti Gashi ka kritijuar komunat dhe inspektoratin për mos mbikëqyrje të bizneseve, sa i përket respektimit të masave anti- covid.