E turpshme: Në rrjete sociale po shpërndahen video të rreme për Isa Mustafën se ka vdekur

Kreu i Lidhjes Demokratike të Kosovës, Isa Mustafa ditë më parë përmes një shkrimi në Facebook ka njoftuar se ka rezultuar pozitiv me koronavirus.

Që nga ajo ditë, përveç komenteve në të cilat shfaqej gjuhë e urrejtjes ka pasur edhe disa lajme në të cilat pretendohet se lideri i LDK’së ishte në gjendje të rëndë si pasojë e infektimit me COVID 19.

Në rrjete sociale janë shpërndarë edhe disa foto e video të rreme, ku thuhet se kreu i Lidhjes Demokratike ka ndërruar jetë.

Madje, me anë të montazhës janë bashkuar edhe video kur anëtarë të kësaj partie po bënin homazhe te varri i presidentit Ibrahim Rugova.

Megjithatë, sipas njoftimit të familjarëve të Mustafës, lideri i LDK’së po vazhdon që të qëndrojë në vetëizolim dhe është në gjendje të mirë