Albin Kurti përfshihet në fushatën zgjedhore në Maqedoninë e Veriut

Tre ditë para se të mbahen zgjedhjet parlamentare në Maqedoninë e Veriut, kryetari i Lëvizjes Vetëvendosje, Albin Kurti, është përcaktuar që ta mbështesë Koalicionin se Aleancës së Ziadin Selës dhe Afrim Gashit.

Përveç Kurtit i cili i ka shprehur qëndrimet e tij përmes një video-mesazhi, liderët e tjerë politikë nga Kosova dhe Shqipëria ende nuk janë përfshirë në garën e brendshme zgjedhore të shtetit fqinj, njofton Klan Kosova.

Ai gjatë fjalimit ka dalë në mbështetje të plotë të këtyre dy subjekteve politike; ndërsa ka kritikuar partitë tjera, të cilat i ka quajtur të vjetruara.

Adresimi i tij është bërë në tubimin zgjedhor të Aleancës në Shkup.

Kujtojmë se lideri i VV-së edhe më herët kishte dalë në mbështetje të Aleancës për Shqiptarët kur Blerim Reka kishte garuar për pozitën e presidentit në këtë vend.

Pas zgjedhjeve të 6 tetorit në Kosovë ku VV doli si parti fituese, Kurti kishte përzgjedhur Rekën, duke e emëruar ministër në Qeverinë e Kosovës.