Kjo është shuma që do të marrë Merkel si pensioniste gjermane

Me një ceremoni ushtarake festive në Berlin do të nderohet sonte para largimit nga detyra ish-kancelarja gjermane, Angela Merkel.

Mirëpo, cila do të jetë shuma që ajo do të marrë si pensioniste gjermane?

Si kancelare ajo fiton aktualisht 25,000 euro në muaj, plus rreth 10,000 euro si anëtare e Bundestagut, anëtare e të cilit është prej më shumë se 30 vjetësh. Kur Merkel të ndalojë së punuari, ajo fillimisht do të vazhdojë të marrë këtë rrogë edhe për tre muaj dhe më pas gjysmën për maksimalisht 21 muaj, shkruan DW.

Pensioni i Angela Merkelit do të jetë rreth 15,000 euro në muaj. Deri në fund të jetës së saj ajo ka gjithashtu të drejtë për bodygard, një makinë shërbimi me shofer, një zyrë në ambientet e Bundestagut në Berlin dhe një staf të përbërë nga dy referentë, një sekretare dhe një daktilografist.