“Lista ku kemi qenë unë, Osmani dhe Konjufca nuk bëhet më”, Albin Kurti nënvlerëson kandidatët e VV-së për kryetar komunash

Kryetari i VV-së, Albin Kurti ka folur para medieve gjatë ditës së sotme për rezultatin në Zgjedhjeve Lokale të 17 tetorit në Kosovë.

Kurti është shprehur i kënaqur që VV-ja ka shkuar në balotazh në 12 komuna, derisa shpreson se do të shënojë fitore në to, transmeton Reporteri.net.

Kurti gjithashtu u shpreh se lista e 17 tetorit nuk krahasohet me atë të 14 shkurtit.

Sipas tij, Lista ku kanë qenë të përfshirë vetë ai, Presidentja Vjosa Osmani dhe Kryepalamentari Glauk Konjufca nuk bëhet edhe kush e di sa vite e dekada.

“Nuk mund të krahasohen listat nëpër komuna me ato të 14 shkurtit. Në atë listën tonë të përbashkët, në krye të listës kanë qenë tre njerëz që sot drejtojnë tri institucione. Ajo listë është e pashembulltë, jo vetëm në Kosovën e pasluftës. Në atë listë ku Presidentja, Kryeparlamentari dhe unë jemi në krye, nuk ka aso liste më dhe kush e di sa vjet e dekada. Nuk mund ta krahasojmë atë listë me këto lista”, tha Kurti.