Aligatori i madh që ha një aligator më të vogël – pamje që tregojnë se sa të ‘pamëshirshëm’ janë ata

Një video ku shihet një aligator duke ngrënë një aligator tjetër më të vogël është bërë virale në mediat sociale.

Sipas mediave të huaja, përcjell Telegrafi, videoja, e cila u postua në Twitter të enjten nga Taylor Soper, tregon një aligator masiv, jeshil të errët me një aligator më të vogël në gojë.

Pastaj, aligatori më i madh goditet me dhunë.

Soper konfirmoi për USA TODAY se babai i tij e bëri videon në Horry County, Karolina e Jugut të enjten.

Ai vlerësoi në Twitter se krijesat më të vogla ishin rreth 2 metra të gjata.

Soper, i cili punon në sigurime, tha se babai i tij vuri re aligatorët dhe ai “kapi kamerën dhe filloi regjistrimin”.

Ai shtoi se familja e tyre beson se ata e panë aligatorin më të vogël fundjavën e kaluar në një vend të ngjashëm, por ai po hante një aligator tjetër, madje edhe më të vogël.