LAJMI I FUNDIT: Disa nxënës dhe mësimdhënies rezultojnë pozitiv

Ministri i Shëndetësisë, Armend Zemaj ka njoftuar se disa mësimdhënës dhe nxënës t në Vushtrri kanë rezultuar pozitiv me COVID-19, shkruan Gazta Metro.

Me anë të një postimi në Facebook, Zemaj nuk ka treguar numrin e atyre që kanë rezultuar pozitiv në këtë shkollë, por se ka bërë të ditur se mësimi në këtë shkollë nga tani e tutje do të mbahet online, shkruan lajmi.net.

Ai ka kërkuar nga nxënësit, mësimdhënësit dhe prindërit që të jenë bashkëpunues.

Siç ka shkruar Zemaj, nëse është nevoja do të bëhet edhe ritestimi i mësimdhënësve dhe nxënësve.

Postimi i plotë:

Përderisa edhe sot Kosova po shënon zero raste të vdekjeve të pacientëve të infektuar me Covid 19 si dhe një shifër relativisht më të mirë sa i përket të të infektuarve me Covid 19, ku nga 643 teste, 63 janë pozitiv, në shkollën “Mustafë Venhari” në Vushtrri nuk është situata që dëshirojmë.

Duke pasur parasysh hulumtimin aktiv epidemiologjik dhe mbikëqyrjen e situatës epidemiologjike, IKSHPK ka bërë testimin e gjithe arsimtarëve dhe nxënësve të klasës së pestë të shkollës “Mustafa Venhari” në Vushtrri, ku më pas disa kanë rezultuar pozitiv me Covid 19.

IKSHPK ka rekomanduar që mësimi në këtë shkollë nga nga skenari “A” të kaloj në skenarin “C”, mësim online.

Të nderuar nxënës, mësimdhënës, prindër,

Testimi i mësimdhënësve, por edhe I nxënësve nëse vërehen simptoma, do të vazhdoj por nëse duhet, do të bëhet ritestimi i tyre.

Kërkoj nga ju që të jemi bashkëpunues dhe të gjithë së bashku të punojmë për të mirën e fëmijëve tanë e mos përsëriten raste të tilla.

Duke i ndihmuar njëri tjetrit, të gjithë i ndihmojmë shëndetit publik./gazetametro.net