Dritan Abazoviq do të mbajë ligjëratë në njërin prej universiteteve më prestigjioze në botë

Politikani shqiptar nga Mali i Zi, Dritan Abazoviq, do të ligjërojë në njërin prej universiteteve më prestigjioze në botë, në të cilin edhe ka kryer studimet.

Abazoviq ka bërë të ditur se do të ligjërojë për studentët e Shkollës së Londrës për Ekonomi dhe Shkenca Politike(LSE).

“Është një nder i madh që të jem një mysafir në Universitetin tim prestigjioz”, ka thënë ai.

“Vetëm me edukim dhe këmbimin e ideve mund të ndryshojmë botën për të mirë. Është një privilegj special kur e di se puna dhe energjia jote janë njohur nga më të mirët. LSE është, kur vjen puna tek shkencat sociale, në vitin 2020, një ndër universitetet më të mira në botë dhe Britani të Madhe, menjëherë pas Oksfordit dhe Kambrixhit”, shtoi ai.